غزہ میں اسرائیلی فضائی حملوں میں 53 افراد کی موت

غزہ: جنوبی غزہ پٹی کے شہروں خان یونس اور رفح میں رہائشی عمارتوں پر اسرائیلی فضائی حملوں میں بچوں سمیت کم از کم 53 افراد ہلاک ہو گئے ہیں۔

الجزیرہ براڈکاسٹر نے ایک ذرائع کے حوالے سے یہ اطلاع دی۔

واضح رہے کہ 7 اکتوبر کو فلسطینی تحریک حماس نے غزہ کی پٹی سے اسرائیل کے خلاف اچانک راکٹ حملے شروع کر دیے تھے۔

اسرائیل نے جوابی حملے شروع کیے اور غزہ پٹی کی مکمل ناکہ بندی کا حکم دیا، جس میں 20 لاکھ سے زائد افراد آباد ہیں، اور پانی، خوراک اور ایندھن کی سپلائی منقطع کر دی گئی۔ تنازعہ بڑھنے سے دونوں اطراف کے ہزاروں افراد ہلاک اور زخمی ہوگئے ہیں۔