تلنگانہ کے 8اضلاع میں درجہ حرارت 44 ڈگری درج
محکمہ موسمیات نے کہا ہے کہ آئندہ تین دنوں کے دوران ریاست کے کئی مقامات میں درجہ حرارت میں اضافہ ہوگا۔ریاست کے 18 اضلاع میں درجہ حرارت 41 ڈگری سلسیس درج کیاگیا۔

حیدرآباد: محکمہ موسمیات نے کہا ہے کہ آئندہ تین دنوں کے دوران ریاست کے کئی مقامات میں درجہ حرارت میں اضافہ ہوگا۔ریاست کے 18 اضلاع میں درجہ حرارت 41 ڈگری سلسیس درج کیاگیا۔
8 اضلاع میں درجہ حرارت 44 ڈگری سلسیس درج کیاگیا۔
نرمل ضلع کے دستورآباد میں اعظم ترین 44.8 ڈگری سلسیس درجہ حرارت ریکارڈ کیاگیا۔
نلگنڈہ ضلع کے کٹم گور،کومرم بھیم آصف آباد کے جموگلا میں 42.8 ڈگری،پداپلی ضلع کے ایسالاتکلا پلی، کھمم ضلع کے نیلاکنٹاپلی میں 44.4 ڈگری،جگتیال ضلع کے گودور میں 44.3 ڈگری سلسیس درج کیاگیا ۔
اسی طرح سوریہ پیٹ ضلع کے حضورنگر میں درجہ حرارت 44 ڈگری،عادل آباد اربن میں درجہ حرارت 43.6 ڈگری،عادل آباد ضلع کے ارلی ٹی، منچریال ضلع کے کوٹاپور میں اعظم ترین درجہ حرارت 43.4 ڈگری سلسیس درج کیاگیا۔
آئندہ تین دنوں کے دوران شدید گرمی کے پیش قیاسی کے پیش نظر عہدیداروں نے نرمل ضلع کیلئے آرینج الرٹ جاری کردیا ہے۔
تمام اضلاع میں رات کا درجہ حرارت 23 تا 25 ڈگری سلسیس درج کیاگیا۔
اسی دوران ہندوستانی محکمہ موسمیات نے کہا ہے کہ آئندہ پانچ دنوں کے دوران کئی مقامات پر درجہ حرارت میں معمول سے دو ڈگری زائد درج کیاجائے گا۔
عوام سے خواہش کی گئی ہے کہ وہ چوکس رہے۔محکمہ نے کہاکہ اس ماہ کی 19تاریخ کے بعد تلنگانہ کے بعض اضلاع میں بارش کا امکان ہے۔