آندھراپردیش میں سڑک حادثہ، 8ویں جماعت کی طالبہ ہلاک

حیدرآباد:آندھراپردیش کے ضلع انکاپلی میں پیش آئے سڑک حادثہ میں 8ویں جماعت کی طالبہ ہلاک ہوگئی۔یہ حادثہ ضلع کے پایاکاراوپیٹ کے پولیس اسٹیشن کے قریب اُس وقت پیش آیا جب لاری کے ڈرائیور نے اس کا توازن کھودیا اور اس نے اسکوٹی کو ٹکر دے دی۔

مہلوک لڑکی کی شناخت ہرینی کے طورپر کی گئی ہے۔ حادثہ اتنا شدید تھا کہ طالبہ موقع پر ہی ہلاک ہوگئی جبکہ اسکوٹی چلانے والا شخص شدید طورپر زخمی ہوگیا۔اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔