حیدرآباد
ٹرینڈنگ

چیف منسٹر تلنگانہ سے ملاقات کیلئے گو اسے حیدرآباد پہنچے این آرآئی کوآٹوڈرائیور نے لوٹ لیا

آٹو ڈرائیور نے رات 11 بجے اپنے دوستوں کو یوسف گوڑہ کے قریب بلاکر اس شخص کو سنسان مقام پر لے جاکر اس پر حملہ کرتے ہوئے اس سے غیر ملکی 1200 یورو کی کرنسی، لیپ ٹاپ اور موبائل فون چھین لیا۔

حیدرآباد: چیف منسٹر تلنگانہ ریونت ریڈی سے ملاقات کیلئے گوا سے حیدرآبا دپہنچے ایک این آر آئی کو آٹو ڈرائیور نے اپنے ساتھیوں کے ساتھ مل کر لوٹ لیا۔یہ واردات حیدرآباد کے متھرا نگرمیں پیش آئی۔تفصیلات کے مطابق ایس سلوانامی شخص ریونت ریڈی کا مداح ہے جو گوا سے ان سے ملاقات کیلئے تلنگانہ کے دارالحکومت پہنچا تھا۔

متعلقہ خبریں
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
زمین کے مسائل کا حل اب ایک کلک پر: بھو بھارتی پورٹل کی رونمائی جلد
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی
قرآن مسلمانوں کو تمام انسانیت کا احترام کرنے اور لوگوں کے ساتھ ہمدردی مہربانی اور انصاف سے پیش آنے کا درس دیتا ہے: مولانا حافظ پیر شبیر احمد
سنگاریڈی ضلع میں مزارات کو نقصان، جمعیۃ علماء کا احتجاجی میمورنڈم، ایس پی کا تعمیر نو کا وعدہ

چیف منسٹر سے ملاقات کا موقع نہ ملنے کی وجہ سے وہ جمعہ کی رات واپسی کیلئے جوبلی ہلز سے سکندرآباد جانے کے لیے آٹو میں سوار ہوا۔ اس نے آٹو ڈرائیور سے کہا کہ اس کے پاس ہندوستانی کرنسی نہیں ہے، اسے یورو کرنسی کا تبادلہ کرنا ہے۔

آٹو ڈرائیور نے رات 11 بجے اپنے دوستوں کو یوسف گوڑہ کے قریب بلاکر اس شخص کو سنسان مقام پر لے جاکر اس پر حملہ کرتے ہوئے اس سے غیر ملکی 1200 یورو کی کرنسی، لیپ ٹاپ اور موبائل فون چھین لیا۔ این آرآئی کی شکایت پر پولیس نے مقدمہ درج کر کے جانچ شروع کردی۔