جرائم و حادثات

تلنگانہ:شادی سے تین دن پہلے ہونے والے دلہے کی بجلی کا جھٹکہ لگنے سے موت

شادی سے تین دن پہلے ہونے والے دلہے کی بجلی کا جھٹکہ لگنے سے موت ہوگئی جس کے نتیجہ میں شادی کے گھر میں غم کی لہردوڑگئی۔

حیدرآباد: شادی سے تین دن پہلے ہونے والے دلہے کی بجلی کا جھٹکہ لگنے سے موت ہوگئی جس کے نتیجہ میں شادی کے گھر میں غم کی لہردوڑگئی۔

متعلقہ خبریں
حیدرآباد میں دل دہلا دینے والا واقعہ: چھ ماہ بعد کنویں سے خاتون کی لاش برآمد
متلاشیان روزگار کو دھوکہ سے کمبوڈیا روانہ کرنے پر یو پی کے ایک شخص کی گرفتاری
درگاہ حضرات یوسفینؒ میں ڈاکٹر کوٹا نیلیما کی حاضری
نظام آباد میں جمعیۃ علماء ہند کی ممبر سازی مہم کا زبردست آغاز، بڑی تعداد میں مسلمانوں کی شمولیت
جامعتہ المؤمنات مغلپورہ میں خواتین کیلئے دس روزہ دینی و اسلامی کورس کا آغاز

یہ واقعہ تلنگانہ کے ضلع نرمل میں پیش آیا۔تفصیلات کے مطابق ضلع کے چنا بیلاکے رہنے والے نوجوان 25سالہ ونود نے بیرون ملک میں روزگار حاصل کرنے کے بعد شادی کا فیصلہ کیا۔

اس کے ارکان خاندان نے اس کی شادی جگتیال ضلع کے دھرماپوری کی ایک لڑکی سے طئے کردی جو اتوار کو ہونے والی تھی۔ونود دوپہر تک گھر میں شادی کے کام کرتارہا۔

بعد ازاں وہ نہانے کیلئے اپنے کمرہ میں چلا گیا۔اس نے الکڑک گیزرآن کیاتاہم اس کو بجلی کاجھٹکہ لگاجس پر اس نے چیخ ماری۔

کمرہ کا دروازہ اندر سے بند ہونے کے سبب اس کے ارکان خاندان نے دروازہ کو توڑا اور اس کو علاج کے لئے اسپتال لے گئے تاہم ڈاکٹرس نے اس کو مردہ قراردیا۔

اطلاع ملتے ہی پولیس وہاں پہنچ گئی جس نے لاش کو پوسٹ مارٹم کیلئے بھیج دیا اور اس سلسلہ میں ایک معاملہ درج کرکے جانچ شروع کردی۔