حیدرآباد

حیدرآباد۔ وجئے واڑہ شاہراہ پر سڑک حادثات، مسئلہ کو حل کرنے کومٹ ریڈی وینکٹ ریڈی کی ہدایت

کومٹ ریڈی نے عہدیداروں کو ہدایت دی کہ وہ متبادل سڑکیں تیار کریں اور اس بات کے اقدامات کریں کہ امکانی حادثات والے علاقوں کے مسائل کو حل کرنے کے لئے مرمت کے کاموں کی انجام دہی کے دوران سڑک استعمال کرنے والوں کو کسی بھی قسم کی دشواری کا سامنا نہ کرنا پڑے۔

حیدرآباد:وزیرعمارات و شوارع کومٹ ریڈی وینکٹ ریڈی نے محکمہ عمارات و شوارع کے عہدیداروں کو ہدایت دی ہے کہ حیدرآباد۔ وجئے واڑہ شاہراہ پر سڑک حادثات کے امکانی مقامات کے مسئلہ کو حل کرنے کے کاموں میں تیزی پیدا کی جائے۔

متعلقہ خبریں
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
زمین کے مسائل کا حل اب ایک کلک پر: بھو بھارتی پورٹل کی رونمائی جلد
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی
قرآن مسلمانوں کو تمام انسانیت کا احترام کرنے اور لوگوں کے ساتھ ہمدردی مہربانی اور انصاف سے پیش آنے کا درس دیتا ہے: مولانا حافظ پیر شبیر احمد
سنگاریڈی ضلع میں مزارات کو نقصان، جمعیۃ علماء کا احتجاجی میمورنڈم، ایس پی کا تعمیر نو کا وعدہ

وزیر موصوف نے مسلسل حادثات اور اِس روٹ پر 17 امکانی حادثات والے علاقوں کے سبب جانی نقصان پر تشویش کااظہار کیا۔ انہوں نے عہدیداروں کو ہدایت دی کہ وہ متبادل سڑکیں تیار کریں اور اس بات کے اقدامات کریں کہ امکانی حادثات والے علاقوں کے مسائل کو حل کرنے کے لئے مرمت کے کاموں کی انجام دہی کے دوران سڑک استعمال کرنے والوں کو کسی بھی قسم کی دشواری کا سامنا نہ کرنا پڑے۔

 گزشتہ روز عہدیداروں کے ساتھ اجلاس میں وزیرموصوف نے کہا کہ اجازت میں تاخیر کے بہانے کاموں کی انجام دہی میں کسی بھی قسم کی لاپرواہی برداشت نہیں کی جائے گی۔ انہوں نے زور دیتے ہوئے کہا کہ کاموں کی انجام دہی میں مزید تاخیر کے نتیجہ میں مزید حادثات پیش آسکتے ہیں۔