حیدرآباد

دنیا کے ممالک کے سامنے تلنگانہ کو مستقبل کی ریاست کے طور پر پیش کیا گیا:سریدھر بابو

آئی ٹی وزیر سریدھر بابو نے آئی ٹی، فارما، ڈاٹا سنٹرس، ای وی اینڈ بیٹری اور دیگر شعبوں پر توجہ مرکوز کرتے ہوئے کئے گئے تبادلہ خیال اور یادداشت ِ مفاہمتوں کی تفصیلات سے واقف کروایا۔

حیدرآباد: تلنگانہ کے وزیر صنعتیں سری دھر بابو نے کہا ہے کہ دنیا کے ممالک کے سامنے تلنگانہ کو مستقبل کی ریاست کے طور پر پیش کیا گیا۔ انہوں نے کہا کہ حیدرآباد 4.0منصوبہ پر وزیراعلیٰ ریونت ریڈی کے ساتھ ان کے امریکہ اور سیول کے دورہ کے دوران سرمایہ کاروں سے ہوئی بات چیت میں تبادلہ خیال کیا گیا۔

متعلقہ خبریں
زمین کے مسائل کا حل اب ایک کلک پر: بھو بھارتی پورٹل کی رونمائی جلد
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
ویڈیو: تلنگانہ بھون میں کانگریس اور بی آر ایس کارکنوں میں تصام
فنڈز تو مختص ہوئے، مگر خرچ کیوں نہیں؟ تلنگانہ میں 75 فیصد اقلیتی بہبود بجٹ غیر استعمال شدہ
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی

انہوں نے ریاستی سکریٹریٹ میں میڈیا سے بات کرتے ہوئے کہا کہ حال ہی میں اختتام پذیر امریکہ اور جنوبی کوریہ کے دورہ کے دوران 35ہزار کروڑ روپے کی سرمایہ کاری کے لئے تقریباً 30 ہزار افراد کو ملازمت کے سلسلہ میں 25یادداشت ِ مفاہمتوں پر دستخط کئے گئے۔

انہوں نے کہا کہ اس دورہ کا مقصد ریاست کی کانگریس حکومت کی پالیسیوں سے واقف کروانا اور روزگار حاصل کرنا تھا۔ انہوں نے آئی ٹی، فارما، ڈاٹا سنٹرس، ای وی اینڈ بیٹری اور دیگر شعبوں پر توجہ مرکوز کرتے ہوئے کئے گئے تبادلہ خیال اور یادداشت ِ مفاہمتوں کی تفصیلات سے واقف کروایا۔ انہوں نے اعلان کیا کہ آمیزان جلد ہی ریاست میں بڑے پیمانے پر سرمایہ کاری کرے گا۔