کار کے نشان کو مارکر سے مٹادیاگیا۔تلنگانہ کے ضلع گدوال کے ایک پولنگ بوتھ میں واقعہ

حیدرآباد: تلنگانہ کے ضلع گدوال کے پائیڈو علاقہ کے پولنگ بوتھ نمبر167پر ای وی ایم میں بی آرایس کے انتخابی نشان کار کو مارکر سے مٹادیاگیا۔

اس بوتھ پر 1196جملہ ووٹوں کے منجملہ 848ووٹ ڈالے گئے۔اس بات کی اطلاع ایک رائے دہندہ نے مرکز رائے دہی کے پولنگ عملہ کو دی۔

اس واقعہ کے ساتھ ہی بی آرایس کے کارکن اورمقامی لیڈران وہاں پہنچے جنہوں نے اس مسئلہ پر انتخابی ڈیوٹی انجام دینے والے عملہ سے بات کی اور اعلی حکام کے علم میں اس مسئلہ کو لایا۔

گدوال،حلقہ لوک سبھا ناگرکرنول کے تحت آتا ہے جہاں سے ریاست کی اصل اپوزیشن بی آرایس کے امیدوار ڈاکٹر آرایس پراوین کمار ہیں جن کا مقابلہ کانگریس کے ملوروی،بی ایس پی کے منداجگناتھم اور بی جے پی کے پی بھرت سے ہے۔