مسلم ریزیڈنٹ ویلفیئر سوسائٹی آف سہابھاونہ ٹاؤن شپ، بانڈلہ گوڑہ ناگول کی جانب سے گزشتہ اتوار 8 مارچ کوایک پُروقار دعوتِ افطار کا اہتمام کیا گیا۔

حیدرآباد: مسلم ریزیڈنٹ ویلفیئر سوسائٹی آف سہابھاونہ ٹاؤن شپ، بانڈلہ گوڑہ ناگول کی جانب سے گزشتہ اتوار 8 مارچ کو ایک پُروقار دعوتِ افطار کا اہتمام کیا گیا۔

اس موقع پر ہندو مسلم بھائی چارے اور باہمی اتحاد کی ایک خوبصورت مثال دیکھنے کو ملی، جہاں مختلف مذاہب سے تعلق رکھنے والے افراد نے مل کر افطار میں شرکت کی۔

دعوتِ افطار کے انتظامات میں پیش پیش رہنے والے معزز ریزیڈنٹس میں جناب جانی پاشا، جناب سلیم بھائی، جناب افضل، جناب خواجہ، جناب قاسم، جناب نذیر بھائی، جناب سِبطین بھائی، جناب وسیم بھائی اور دیگر ریزیڈنٹس شامل تھے۔

اس تقریب میں بطور خاص مہمان چیرنجیوی گوڑ (سینئر کانگریس لیڈر)، پنالہ جئے پال ریڈی (اے ایم سی ڈائریکٹر)، محمد خواجہ میاں (سینئر کانگریس پارٹی لیڈر) اور ایس آئی ناگشیوا پرساد (ناگول پولیس اسٹیشن) نے شرکت کی۔

اس موقع پر حافظ و قاری مفتی محمد رضا نے بھائی چارے اور امن و امان کے لیے دعا کی، نمازِ مغرب کی امامت فرمائی اور تمام معزز مہمانوں کا شکریہ ادا کیا۔

تقریب کا اختتام محبت، اتحاد اور باہمی اخوت کے خوشگوار ماحول میں ہوا