راہگیرخاتون کو دل کا دورہ۔ پولیس عہدیدار نے سی پی آرکرتے ہوئے جان بچائی: ویڈیو
راہگیرخاتون کو دل کا دورہ پڑنے پر پولیس عہدیدار نے اس کا فوری طور پر سی پی آرکرتے ہوئے اس کو ہوش میں لایااور اس کو اسپتال منتقل کیاگیا۔
حیدرآباد: راہگیرخاتون کو دل کا دورہ پڑنے پر پولیس عہدیدار نے اس کا فوری طور پر سی پی آرکرتے ہوئے اس کو ہوش میں لایااور اس کو اسپتال منتقل کیاگیا۔
اس پولیس عہدیدار کے اس جذبہ کی تمام گوشوں سے ستائش کی جارہی ہے کیونکہ اس واقعہ کا ویڈیو سوشیل میڈیا کے مختلف پلیٹ فارمس پرتیزی کے ساتھ وائرل ہوگیا۔
تفصیلات کے مطابق یادادری بھونگیر ضلع کے ولی گنڈہ پولیس اسٹیشن کے حدود کے ولی گنڈہ مستقر میں سب انسپکٹر مہیندرلال گاڑیوں کا معائنہ کر رہے تھے۔
اس دوران ایک خاتون جس کی شناخت وینکٹماں کے طورپر کی گئی ہے،وہاں سے گزررہی تھی کہ اچانک دل کا دورہ پڑنے سے وہ سڑک پر گرپڑی۔
مہیندرلال فوراً موقع پر پہنچ گئے اور بغیر کسی تاخیر کے خاتون کا سی پی آر کیا جس کے بعد خاتون کو ہوش آیا۔ اسے بہتر علاج کے لیے فوری طور پر اسپتال لے جایا گیا۔
سی پی آر کے ذریعہ خاتون کی جان بچانے والے ایس آئی کو مقامی افرادکے ساتھ ساتھ پولیس حکام نے بھی مبارکباد دی۔
