تلنگانہ میں برسراقتدار آنے پر غیر منظم شعبہ کے ورکرس کیلئے ویلفیر بورڈ قائم کیاجائے گا: راہول گاندھی
راہول گاندھی نے آٹوڈرائیورس کے زیرالتواچالانات پر 50فیصد ڈسکاونٹ بھی دینے کی یقین دہانی کروائی۔ ڈیلیوری بوائز اور سینیٹری ورکرس کے ساتھ ساتھ آٹو ڈرائیورس نے راہل گاندھی کو اپنے مسائل سے واقف کروایاجنہوں نے ان کے مسائل کی بغورسماعت کی۔
حیدرآباد: کانگریس لیڈر راہول گاندھی نے یقین دہانی کروائی ہے کہ ان کی پارٹی کے تلنگانہ میں برسراقتدارآنے پر غیر منظم شعبہ کے ورکرس اوردیگر کوانشورنس فراہم کیاجائے گا اورویلفیر بورڈ کا قیام عمل میں لایاجائے گا۔انہوں نے ان ورکرس، بلدیہ کے ورکرس اور آٹوڈرائیورس کے ساتھ شہرحیدرآبادمیں تبادلہ خیال کرتے ہوئے ان کی ملازمتوں کو باقاعدہ بنانے اور بلدیہ کے سینی ٹیشن ورکرس کو وقت پراضافی تنخواہیں دینے کا بھی وعدہ کیا۔
हम दूसरे शहर से ऑटो लाकर किराये से चलाते हैं, इसमें डीजल और किराया देने के बाद हमारे पास पैसे नहीं बचते।
हमारा गुजारा बहुत मुश्किल से हो रहा है। KCR सरकार ने हमें मदद देने की बात की थी, लेकिन कुछ नहीं किया।
: ऑटो ड्राइवर ने @RahulGandhi जी से अपनी समस्या बताईTelangana pic.twitter.com/h0XRojLT4x
— Congress (@INCIndia) November 28, 2023
انہوں نے آٹوڈرائیورس کے زیرالتواچالانات پر 50فیصد ڈسکاونٹ بھی دینے کی یقین دہانی کروائی۔ ڈیلیوری بوائز اور سینیٹری ورکرس کے ساتھ ساتھ آٹو ڈرائیورس نے راہل گاندھی کو اپنے مسائل سے واقف کروایاجنہوں نے ان کے مسائل کی بغورسماعت کی۔
ان ورکرس نے راہل گاندھی کو بتایا کہ انہیں ای ایس آئی، پی ایف جیسی سہولیات فراہم کی جائیں۔ انہوں نے کہا کہ پٹرول کی قیمتیں تلنگانہ میں زیادہ ہیں۔وہ جو کچھ کمارہے ہیں، اس کا زیادہ ترحصہ پٹرول کی خریداری میں جارہا ہے۔ سینٹری ورکرس نے راہول گاندھی کو بتایا کہ حکومت ان کو ڈبل بیڈروم مکان اور پنشن نہیں دے رہی ہے۔
اس موقع پر کانگریس لیڈر نے انہیں بتایا کہ راجستھان میں ایسے ورکرس کے تحفظ کیلئے ایک اسکیم نافذ کی جا رہی ہے۔ڈیلیوری بوائز نے کہا کہ ان کا کام کئی کلومیٹر تک جاکر اشیا کو پہنچانا ہوتا ہے۔ان کے پاس کوئی دوسراکام نہیں ہے جس کی وجہ سے وہ یومیہ اجرت پر کام کررہے ہیں۔ان کی اجرت بھی وقت پر نہیں ملتی۔
13تا14گھنٹے کام کرنے کے باوجود ان کو ہزارروپئے بھی نہیں ملتے۔اس میں سے 200تا300روپئے پٹرول کیلئے خرچ کرنے کیلئے وہ مجبور ہیں۔ان کو مسلسل آرڈرس بھی نہیں ملتے۔ان کے خاندان کی کفالت بھی ان کے ذمہ ہے۔
ڈیلیوری بوائز نے کہا کہ وہ سب کو کھانا کھلانے کے بعد وہ شام میں 4تا5بجے سڑک پر بیٹھ کر کھانا کھاتے ہیں۔12بجے دن تا3بجے سہ پہر وہ گاہکوں کی اشیا ان تک پہنچانے کا کام کرتے ہیں۔رات کے آرڈرس کیلئے وہ سڑک پر ہی سوجاتے ہیں۔
انہیں کئی طرح کے مسائل کا سامنا کرناپڑتا ہے۔انہوں نے کہاکہ وہ صبح 6بجے سے اگلی شب 4بجے تک یہ کام کرتے ہیں۔ان کو ملنے والے آرڈر کی بنیاد پر ان کو آمدنی ہوتی ہے۔خاتون ورکرس نے ان کو بتایا کہ ان کو کوئی پنشن نہیں ملتا ہے۔جوبلی ہلز کانگریس کے امیدوار اظہر الدین نے بھی اس پروگرام میں شرکت کی۔
