آن لائن سٹہ بازی میں رقم ہارنے کے بعد ڈگری کے طالب علم کی خودسوزی

حیدرآباد: تلنگانہ کے ضلع رنگاریڈی کے مہیشورم میں آن لائن سٹہ بازی میں رقم ہارنے کے بعد ڈگری کے ایک طالب علم نے خودسوزی کر لی۔

اس طالب علم کی شناخت 21سالہ سائی کرن کے طورپر کی گئی ہے جو مہیشورم کی پوچما بستی کا رہنے والا ہے۔

وہ شہر کے ایک کالج سے اپنی ڈگری فرسٹ ایئر کر رہا تھا۔

جمعہ کی رات اس نے خود کو آگ لگا دی۔ اسے اسپتال منتقل کیاگیا تاہم ڈاکٹرس نے معائنہ کے بعد اس کو مردہ قرار دیا۔

سائی کرن کے افرادخاندان نے پولیس کو بتایا کہ، وہ آن لائن سٹہ بازی کا عادی تھا اور وہ رقم سے محروم ہوگیا۔

اس نے اپنے دوستوں سے بھی رقم ادھارلی تھی۔ سرزنش کرنے پر اس نے انتہائی اقدام کیا۔ پولیس نے اس سلسلہ میں ایک معاملہ درج کرلیا۔