بم حملے کے بعد ترکی نے عراق میں پی کے کے کے خلاف فضائی حملے شروع کئے

انقرہ: ترکی فوج نے شمالی عراق میں فضائی حملے کئے اور کالعدم کردستان ورکرز پارٹی (پی کے کے) کے 20 ٹھکانوں کو تباہ کر دیا۔

ملک کی وزارت دفاع نے اتوار کی شام ایک بیان میں کہا کہ ترک فضائیہ نے گارا، ہاکورک، موٹینا اور قندیل میں پی کے کے کے ٹھکانوں کو نشانہ بنایا۔

فوجی مہم اتوار کی صبح دو حملہ آوروں کے ذریعے راجدھانی انقرہ میں ترکی کی وزارت داخلہ کی عمارت کے سامنے بم حملے کی کوشش کے بعد آیا، جس میں دو پولیس اہلکار معمولی طورپر زخمی ہوگئے۔

خودکش بم دھماکے کے بعد ایک حملہ آور کی موت ہو گئی، جب کہ دوسرے کو پولیس نے گولی ماردی۔ وزارت داخلہ نے کہا کہ حملہ آوروں میں سے ایک کی شناخت پی کے کے کے رکن کے طور پر ہوئی ہے اور دوسرے کی شناخت کے لیے تفتیش جاری ہے۔

ترک افواج اکثر پی کے کے کے خلاف شمالی عراق میں زمینی کارروائیاں، فضائی حملے اور توپ خانے سے بمباری کرتی رہتی ہے، خاص طور پر گروپ کے مقامات قندیل پہاڑوں پر۔

واضح رہے کہ پی کے کے تین دہائیوں سے زیادہ عرصے سے ترک حکومت کے خلاف بغاوت کر رہی ہے۔