انتخابات کے بعد راہل گاندھی کو ’کانگریس ڈھونڈو یاترا‘ نکالنی ہوگی: امیت شاہ (ویڈیو)

حصار: مرکزی وزیر داخلہ امت شاہ نے پیر کو کہا کہ لوک سبھا انتخابات کے آغاز سے قبل بھارت جوڑو یاترا نکالنے والے کانگریس لیڈر راہل گاندھی کو انتخابات کے بعد کانگریس ڈھونڈو یاترا نکالنی ہوگی۔

شاہ حصار کے اولڈ گورنمنٹ کالج گراؤنڈ میں بی جے پی امیدوار رنجیت سنگھ کی حمایت میں ایک ریلی سے خطاب کر رہے تھے۔

انہوں نے کہا کہ ہریانہ کے فوجیوں کا ملک کی سلامتی میں اہم کردار ہے، ہریانہ کے کسانوں کا خوراک ذخیرہ کرنے میں اور ہریانہ کے کھلاڑیوں کا کھیلوں میں تمغے جیتنے میں، لیکن کانگریس نے ان تینوں کو ختم کرنے کی کوشش کی۔

انہوں نے کہا کہ وزیر اعظم بننے کے بعد نریندر مودی نے ان تینوں شعبوں کو ہر دوسرے شعبے کے ساتھ آگے بڑھایا، لیکن کانگریس نے ان تینوں شعبوں کو ختم کرنے کی کوشش کی۔ انہوں نے کہا کہ فوج میں بوفورس گھپلہ، کھیلوں کے شعبے میں کامن ویلتھ گھپلہ اور کاشتکاری کے شعبے میں کھاد گھپلہ ہوا۔

انہوں نے دعویٰ کیا کہ جیسے ہی وہ وزیر اعظم بنے مودی نے سب سے پہلے فوجیوں کا خیال رکھا اور ون رینک ون پنشن اسکیم کو نافذ کیا۔

کسانوں کے مفاد میں کام کرتے ہوئے 20 لاکھ کروڑ روپے کا اناج کم از کم امدادی قیمت (ایم ایس پی) پر خریدا گیا۔ مودی حکومت نے کھیلوں کے بجٹ میں تین گنا اضافہ کیا، بے گھر لوگوں کو گھر فراہم کرنے کی اسکیم شروع کی۔

مرکزی وزیر داخلہ نے کہا، "پی او کے (پاکستان کے زیر انتظام کشمیر) ہمارا ہے، ہمارا رہے گا اور ہم اسے لے لیں گے، جب کہ کانگریس کہتی ہے کہ پاکستان کے پاس ایٹم بم ہے، اس کا احترام کریں۔