ایک سال میں فضائی سفر 32 فیصد مہنگا، حکومت نے پہلی سہ ماہی کی رپورٹ جاری کردی

نئی دہلی :    رواں مالی سال کی پہلی سہ ماہی میں سالانہ بنیاد پر فضائی سفر 32 فیصد مہنگا ہوگیا ہے۔

وزارت تجارت و صنعت نے پیر کو اپریل تا جون 2026 کی سہ ماہی کے اعداد و شمار جاری کیے۔ اس رپورٹ میں سات خدمات کے قیمت اشاریے جاری کی ۔

مغربی ایشیا میں بحران کے باعث فروری کے بعد سے ایئرلائنز نے فضائی کرایوں میں اضافہ کیا تھا۔ اس کا براہ راست اثر فضائی خدمات کے قیمت اشاریے پر نظر آرہا ہے۔ اس اشاریے میں سب سے بڑا حصہ فضائی کرایوں کا ہے۔ ایئرلائنز نے طیاروں کے ایندھن کی قیمتوں میں تیز اضافے کو کرایوں میں اضافے کی وجہ قرار دیا ہے۔

ہوائی مسافر خدمات کا قیمت اشاریہ 126.4 درج کیا گیا، جو گزشتہ مالی سال کی پہلی سہ ماہی کے مقابلے میں 31.94 فیصد زیادہ ہے۔

بینکنگ خدمات کے تعاون اشاریے میں 6.90 فیصد اضافہ ریکارڈ کیا گیا۔ تاہم بینکنگ خدمات کے قیمت اشاریے میں 3.35 فیصد کمی دیکھی گئی، جس کا مطلب ہے کہ بینکنگ خدمات سستی ہوئی ہیں۔

پنشن فنڈ خدمات کے قیمت اشاریے میں 5.20 فیصد اضافہ ہوا، یعنی یہ خدمات بھی سستی ہوئی ہیں۔

ریلوے کی مسافر خدمات ایک سال میں 3.50 فیصد جبکہ مال برداری کی خدمات 0.10 فیصد مہنگی ہوئی ہیں۔