ٹول پلازہ کی عمارت سے گرنے کے نتیجہ میں ملازم ہلاک

حیدرآباد:تلنگانہ کے ضلع مُلگ میں جواہر نگر ٹول پلازہ کی عمارت سے گرنے کے نتیجہ میں ٹول پلازہ میں کام کرنے والے کلیان نامی شخص کی موت ہوگئی۔ مقامی افرادکے مطابق کلیان کل شب تقریباً دو بجے ٹول پلازہ کی عمارت کے اوپر سے گرگیا جس کے نتیجہ میں وہ موقع پر ہی ہلاک ہوگیا۔

تاہم، ٹول عملہ اور اس کے ارکان خاندان نے اس کی موت پر کئی شکوک و شبہات کا اظہارکیا۔ اطلاع ملتے ہی پولیس موقع پر پہنچی اور سی سی ٹی وی کیمروں کی بنیاد پر کیس درج کرکے جانچ کا آغازکردیا۔