آندھراپردیش:ضلع پرکاشم میں 500روپئے کی نقلی کرنسی نوٹس سے سنسنی

حیدرآباد: آندھراپردیش کے ضلع پرکاشم کے ویمل پاڈو گاوں میں 500روپئے کی نقلی کرنسی نوٹس سے سنسنی پھیل گئی۔

ایک شخص نے کرانہ کی دکانوں اور شراب کی دکان میں 500 روپے کے جعلی نوٹ دیئے۔ یہ معاملہ تاخیر سے سامنے آیا۔

دکانداروں نے ان کرنسی نوٹوں کی شناخت جعلی نوٹس کے طور پر کی۔ دکانداروں نے مقامی افرادکے ساتھ مل کر اس کو پکڑنے کی کوشش کی تاہم وہ ان کو چکمہ دے کر فرارہونے میں کامیاب رہا۔

پولیس کے مطابق گاؤں والوں کی شکایت پر مقدمہ درج کر کے ملزم کی تلاش شروع کر دی گئی ہے۔