دسویں جماعت کے سالانہ امتحانات کی فیس ادا کرنے کی تاریخ کا اعلان

حیدرآباد: تلنگانہ کے ڈائریکٹر آف اگزامینیشن نے دسویں جماعت کے سالانہ امتحانات کی فیس کی ادائیگی کیلئے نیا شیڈول جاری کر دیا ہے۔ اس شیڈول کے مطابق، امتحانی فیس جمع کرانے کی آخری تاریخ 18 نومبر 2024 رکھی گئی ہے۔ طلبہ سے درخواست کی گئی ہے کہ وہ اس تاریخ تک اپنی فیس جمع کروا لیں تاکہ اضافی چارجز سے بچا جا سکے۔

اگر کوئی طالب علم 18 نومبر کے بعد فیس ادا کرنا چاہتا ہے تو اضافی چارجز لاگو ہوں گے۔ 50 روپے دیرانہ فیس کے ساتھ فیس جمع کرنے کی آخری تاریخ 2 دسمبر 2024، 200 روپے دیرانہ فیس کے ساتھ 12 دسمبر 2024، اور 500 روپے دیرانہ فیس کے ساتھ آخری تاریخ 21 دسمبر 2024 رکھی گئی ہے۔

فیس کی تفصیلات کے مطابق:

• ریگولر طلبہ کیلئے تمام مضامین کی فیس 125 روپے مقرر کی گئی ہے۔
• تین یا اس سے کم مضامین کے لیے فیس 110 روپے رکھی گئی ہے۔
• تین سے زیادہ مضامین میں ناکام ہونے والے طلبہ کے لیے 125 روپے فیس رکھی گئی ہے۔

ڈائریکٹر آف اگزامینیشن نے تمام اسکول انتظامیہ سے درخواست کی ہے کہ وہ طلبہ کو بروقت آگاہ کریں تاکہ امتحان کی فیس کی ادائیگی میں کسی قسم کی تاخیر نہ ہو اور طلبہ اپنی تیاریوں میں رکاوٹ نہ آنے دیں۔ اس سال امتحانات میں شفافیت اور معیاری اقدامات کو یقینی بنانے کے لیے محکمہ نے خصوصی ہدایات بھی جاری کی ہیں۔