اے پی:سونے کے بسکٹس بس کے ذریعہ منتقل کرنے کی کوشش ناکام، دو افرادگرفتار

حیدرآباد: سونے کے بسکٹس بس کے ذریعہ منتقل کرنے کی کوشش کو ٹاسک فورس نے ناکام بناتے ہوئے دو افراد کو آندھراپردیش کے وشاکھاپٹنم میں گرفتار کرلیااورزرد دھات ضبط کرلی۔

بھونیشور سے حیدرآبا دجانے والی بس کے ذریعہ سونے کی منتقلی کی اطلاع پر پولیس نے بس کی تلاشی لی اور ان افراد کو پکڑلیا جو اپنے ساتھ لائے ہوئے سات سونے کے بسکٹس کے دستاویزات دکھانے میں ناکام رہے۔

یہ سونے کے بسکٹس سر یکاکلم ضلع کے اِچھاپورم سے ضلع گنٹور منتقل کیے جارہے تھے۔ٹاسک فورس نے اس سلسلہ میں ایک معاملہ درج کرکے جانچ شروع کردی۔

ٹاسک فورس نے انتباہ دیتے ہوئے کہا کہ سونا، گانجہ اور ممنوعہ اشیاء کی غیر قانونی منتقلی پر سخت کارروائی کی جائے گی اور ایسے افراد کے خلاف سخت دفعات کے تحت مقدمہ درج کرکے جیل بھیج دیا جائے گا۔