اے پی: خاتون نے دریا میں چھلانگ لگاکرخودکشی کرلی

حیدرآباد: خاتون نے دریائے گوداوری میں چھلانگ لگاکرخودکشی کرلی جس کے بعد اس کا پالتو کتاگھنٹوں اس کی واپسی کا انتظار کرتا رہا۔

یہ واقعہ اے پی کے امبیڈکرکوناسیما ضلع میں پیش آیا۔

تفصیلات کے مطابق خاتون جس کی شناخت نہیں ہوسکی نے دریائے گوداوری میں چھلانگ لگا کر خودکشی کرلی۔

اس خاتون کے ساتھ آنے والا پالتو کتا اس کے چھوڑے ہوئے جوتوں پر ہی اس کا گھنٹوں انتظارکرتاہا۔

یہ منظر وہاں سے گذرنے والوں کیلئے حیرت کا سبب بنا ہوا تھاجنہوں نے اپنے سل فونس کے کیمروں کے ذریعہ کتے کے انتظار کے پل کو محفوظ کرلیا اور یہ ویڈیوز دیکھتے ہی دیکھتے سوشیل میڈیا پر وائرل ہوگیا۔

اطلاع ملتے ہی پولیس نے وہاں پہنچ کر لاش کی تلاش شروع کر دی۔

پولیس نے اس سلسلہ میں ایک معاملہ درج کرلیا اور اس خاتون کی شناخت معلوم کرنے کی کوشش کررہی ہے۔