اروند کجریوال نے چیف منسٹر کے عہدہ سے استعفیٰ دے دیا

نئی دہلی: عام آدمی پارٹی کے قومی کنوینر اروند کیجریوال نے چیف منسٹر دہلی عہدہ سے استعفیٰ دے دیا ہے۔ کیجریوال نے اپنا استعفیٰ لیفٹیننٹ گورنر وی کے سکسینہ کو پیش کیا اور وزیر آتشی کو قانون ساز پارٹی کا نیا لیڈر منتخب کرنے کی تجویز دی۔

کیجریوال کا استعفیٰ دہلی کی شراب پالیسی کیس میں ان کی گرفتاری کے بعد سامنے آیا۔ سپریم کورٹ سے ضمانت ملنے کے بعد، انہیں جمعہ کو تہاڑ جیل سے رہا کیا گیا تھا۔ اتوار کو پارٹی کارکنوں سے خطاب کرتے ہوئے کیجریوال نے اپنے مستعفی ہونے کا اعلان کیا اور کہا کہ آئندہ دو دنوں میں قانون ساز پارٹی کا اجلاس ہوگا، جس میں نئی قیادت کا فیصلہ کیا جائے گا۔

آج چیف منسٹر کی رہائش گاہ پر ہونے والے اجلاس میں پارٹی نے ایم ایل اے آتشی کو دہلی کا نیا چیف منسٹر بنانے کو منظوری دے دی۔ آتشی کی قیادت میں نئی حکومت ایک ہفتے میں تشکیل دی جائے گی، جب تک کیجریوال نگراں چیف منسٹر کی حیثیت سے فرائض انجام دیں گے۔