مشرق وسطیٰ

جب تک حزب اللہ موجود ہے جنوبی لبنان ایک جنگی علاقہ ہے :اسرائیلی فوج

سرحد پر لبنانی حزب اللہ اور اسرائیلی افواج کے درمیان مسلسل جھڑپوں کے درمیان اسرائیلی فوج نے اعلان کیا ہے کہ جب تک حزب اللہ موجود ہے جنوبی لبنان ایک جنگی علاقہ ہے۔

تل ابیب: سرحد پر لبنانی حزب اللہ اور اسرائیلی افواج کے درمیان مسلسل جھڑپوں کے درمیان اسرائیلی فوج نے اعلان کیا ہے کہ جب تک حزب اللہ موجود ہے جنوبی لبنان ایک جنگی علاقہ ہے۔

متعلقہ خبریں
نیتن یاہو نے کم وسائل میں بھی لڑنے کا اعلان کیا
امریکہ نے تمام جہازوں کی آمدورفت خطرہ میں ڈال دی:نصراللہ
اسرائیل رہائشیوں کو رفح سے غزہ کے جنوب مغربی ساحل پر المواسی منتقل کرنے کا منصوبہ بنا رہا ہے
حماس کا سرکردہ رہنما غازی حماد لبنان سے قطر منتقل
غزہ میں پہلا روزہ، اسرائیل نے فلسطینیوں کو مسجد اقصیٰ میں داخل ہونے سے روک دیا

فوج کے ترجمان اویچائی ادرائی نےعربی زبان میں اپنی روزانہ کی بریفنگ میں کہا کہ جنوبی لبنانی علاقہ ایک جنگی علاقہ ہے اور جب تک حزب اللہ وہاں رہے گی اور حملے جاری رکھے گی تب تک وہ جنگی علاقہ رہے گا۔

انہوں نے یہ بھی کہا کہ جنگ کے آغاز سے ہی حزب اللہ نے لبنان اور جنوبی لبنان کے باشندوں کو خطرناک لغزشوں میں گھسیٹنا جاری رکھا ہوا ہے۔

یاد رہے اتوار کو اسرائیلی وزیر دفاع نے لبنانی حزب اللہ کو متنبہ کیا تھا کہ اگر کشیدگی میں ایک ڈگری کا اضافہ کیا گیا تو اس کا جواب پانچ گنا ہو گا۔ اسرائیلی وزیر دفاع گیلانٹ نے مزید کہا تھا ہم شمال کے رہائشیوں کے انخلا کی اجازت نہیں دیں گے۔

لیکن شمال میں 80,000 سے زیادہ اسرائیلیوں کے شہروں اور دیہاتوں سے فرار ہونے کے ساتھ اسرائیل نے یہ بھی کہا ہے کہ وہ اقوام متحدہ کی قرارداد کے مطابق حزب اللہ کو سرحد سے دور دھکیلنا چاہتا ہے۔