یتی نرسنگھا نند کے خلاف کیس درج کرنے اسد اویسی کا مطالبہ، حیدرآباد کمشنر کو یادداشت پیش

حیدرآباد: اے آئی ایم آی ایم کے صدر اسد الدین اویسی نے ہفتہ کے روز یہاں حیدرآباد سٹی پولیس کمشنر سی وی آنند کو ایک یادداشت پیش کرتے ہوئے اتر پردیش کے ہندوتوا قائد یتی نرسنگھا نند کے خلاف فوجداری کیس درج کرنے کا مطالبہ کیا ہے۔ کیونکہ نند نے مبینہ طور پر پیغمبر اسلام حضرت محمد صلعم کی شان میں نازیبا ریمارکس کئے ہیں۔

 پارٹی کے ارکان اسمبلی اور دیگر قائدین کے ساتھ اسد الدین اویسی نے پولیس کمشنر سے نرسنگھا نند کے خلاف کریمنل کیس درج کرنے پر زور دیا۔ اویسی نے میڈیا کے نمائندوں سے کہا کہ نفرت انگیز تقاریر پر نرسنگھا نند قبل ازیں جیل جاچکا ہے اور وہ ضمانت پر جیل سے باہر آیا ہے۔

ضمانت کی شرائط میں یہ بھی شامل ہے وہ، اس طرح کے تبصرے نہیں کریں گے۔ اس لئے مجلس اس بات کا مطالبہ کرتی ہے کہ یاتی نرسنگھانند کی ضمانت منسوخ کی جائے۔ ان کے گستاخانہ تبصروں پر ان کے خلاف کیس درج کرنا چاہئے اور انہیں گرفتار کرناچاہئے اسد الدین اویسی نے یہ بات کہی۔