بابا صدیقی قتل کیس، نوی ممبئی سے دسویں گرفتاری

ممبئی (پی ٹی آئی) بابا صدیقی قتل کیس کی تحقیقات کرنے والی ممبئی پولیس کرائم برانچ نے اتوار کے دن نوی ممبئی سے ایک کباڑی کو گرفتا ر کرلیا جس پر شوٹرس کو ہتھیار فراہم کرنے کا الزام ہے۔

اس کے ساتھ ہی گرفتاریوں کی جملہ تعداد 10ہوگئی ہے۔ ایک عہدیدار نے یہ بات بتائی۔ ملزم کا نام 32سالہ بھگوت سنگھ اوم سنگھ بتایا گیا ہے۔ وہ اودئے پور (راجستھان) کا رہنے والا ہے، لیکن فی الحال نوی ممبئی میں رہ رہا ہے۔

اسے عدالت میں پیش کیا گیا، جہاں سے اسے 26اکتوبر تک پولیس تحویل میں دے دیا گیا۔ مہاراشٹرا کے سابق وزیر کو 12 اکتوبر کو باندرہ میں ان کے بیٹے کے دفتر کے قریب 3 افراد نے گولی مار کر ہلاک کردیا تھا۔

2شوٹرس گرمیل بلجیت سنگھ، دھرم راج، راجیش کشیب پولیس تحویل میں ہیں، جبکہ اصل شوٹر شیو کمار گوتم ابھی بھی فرار ہے۔