کھلے مقامات پر گوشت مچھلی کی فروخت پر پابندی نامناسب : مایاوتی
بہوجن سماج پارٹی(بی ایس پی) کی سربراہ مایاوتی نے جمعہ کے دن مدھیہ پردیش کی نئی بی جے پی حکومت کے حالیہ فیصلہ پر تنقید کی جس کی رو سے کھلے مقامات پر گوشت اور مچھلی کی فروخت ممنوع قراردی گئی ہے۔
لکھنو: بہوجن سماج پارٹی(بی ایس پی) کی سربراہ مایاوتی نے جمعہ کے دن مدھیہ پردیش کی نئی بی جے پی حکومت کے حالیہ فیصلہ پر تنقید کی جس کی رو سے کھلے مقامات پر گوشت اور مچھلی کی فروخت ممنوع قراردی گئی ہے۔
انہوں نے کہا کہ اس متنازعہ فیصلہ پر نظرثانی ضروری ہے۔ ایکس پر پوسٹ میں مایاوتی نے کہا کہ بے روزگار اور دیگر غریب محنتی لوگوں کو روزی روٹی فراہم کرنے کا ضروری فیصلہ کرنے کے بجائے مدھیہ پردیش کی نئی بی جے پی حکومت نے ان لوگوں کو دبانا شروع کردیا ہے جو
روزگار کے مواقع کی قلت کی وجہ سے گوشت‘ انڈے اور مچھلی وغیرہ بیچتے ہوئے سیلف ایمپلائمنٹ (خودروزگار) سے لگے ہوئے ہیں۔ متنازعہ فیصلہ پر نظرثانی ضروری ہے۔
مدھیہ پردیش کے نئے چیف منسٹر موہن یادو نے چہارشنبہ کے دن ہدایت دی کہ مذہبی مقامات کے لاؤڈ اسپیکرس کی آواز دھیمی ہونی چاہئے۔
انہوں نے اپنی پہلی کابینی میٹنگ میں کھلے مقامات پر گوشت اور مچھلی کی فروخت ممنوع قراردی۔