بی جے پی رکن پارلیمنٹ بنڈی سنجے نے پرجا ہت یاترا میں حصہ لیا

حیدرآباد: بی جے پی کے رکن پارلیمنٹ بنڈی سنجے نے کریم نگرضلع میں پرجا ہت یاترا میں حصہ لیا۔

حکومت کی ناکامیوں کو اجاگرکرنے اور لوک سبھا انتخابات کے لئے پارٹی کو نچلی سطح سے مستحکم کرنے کیلئے نکالی گئی اس یاترا کے دوران انہوں نے عوامی مسائل سے واقفیت حاصل کی۔

ساتھ ہی انہوں نے مودی زیرقیادت مرکزی حکومت کے کارناموں سے بھی عوام کو واقف کروایا۔بنڈی سنجے کا مختلف مقامات پر استقبال کیاگیا۔

انہوں نے اس موقع پر میڈیا سے بات کرتے ہوئے الزام لگایا کہ حکومت تاڑی تاسندوں کے مسائل کو نظرانداز کررہی ہے۔

انہوں نے تاڑی بھی پی اور تاڑی تاسندوں کے مسائل کے حل کے لئے یقین دہانی کروائی۔