حیدرآباد میں تما م سٹی بسوں میں ڈیجیٹل لین دین کے ذریعہ ٹکٹ کی اجرائی

حیدرآباد: تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی) انتظامیہ شہرحیدرآباد میں تمام قسم کی سٹی بسوں میں یوپی آئی ڈیجیٹل لین دین کے ذریعہ ٹکٹ جاری کرنے کا عمل شروع کرنے جا رہی ہے۔

عہدیداروں کا ماننا ہے کہ یہ مسافروں کے ساتھ ساتھ آر ٹی سی کنڈکٹرس کے لئے بھی کافی آسان ہوگا اور اس کے علاوہ سٹی بسوں میں ریزگاری کا مسئلہ بھی کم ہوگا۔

شہر میں 2500 سے زیادہ عام اور میٹرو ایکسپریس بسوں میں یو پی آئی خدمات کے ذریعہ ٹکٹ جاری کرنے کا عمل جاری ہے لیکن آر ٹی سی کی ضلعی سروس یعنی میٹرو لگژری اور اے سی بسوں میں یو پی آئی سسٹم کامیابی سے لاگو کیا جا رہا ہے۔

اس کے علاوہ، شہر میں ایرپورٹ تک چلنے والی اے سی بسوں میں کیو آرکوڈ کے ذریعہ ٹکٹ جاری کیے جاتے ہیں۔

حال ہی میں، آرٹی سی کی انتظامیہ سٹی بسوں میں یو پی آئی ڈیجیٹل لین دین کے ذریعے ٹکٹ جاری کرنے کے لیے تمام بسوں میں مشینیں دستیاب کر رہی ہے۔

آر ٹی سی گریٹر زون کے عہدیداروں نے کہا کہ انہوں نے پہلے ہی اس کمپنی کے ساتھ معاہدہ کیا ہے جو آئی ٹیموں کی مشینیں تقسیم کرتی ہے۔