ایلورو میں بس حادثہ، 19 مسافر زخمی، متعدد کی حالت تشویشناک

ایلورو : آندھرا پردیش کے ایلورو ضلع میں بدھ کی صبح سویرے ایک نجی بس کے کھڑے ٹرک سے ٹکرا جانے کے واقعے میں 19 مسافر زخمی ہوگئے۔

پولیس کے مطابق ایک نجی سفری کمپنی کی بس حیدرآباد سے کاکیناڈا کی جانب جا رہی تھی۔ گرین فیلڈ شاہراہ پر سفر کے دوران جنگاریڈی گوڈیم منڈل کے پوتلا گٹلا گوڈیم گاؤں کے قریب بس سڑک کے کنارے کھڑے ایک ٹرک سے پیچھے سے ٹکرا گئی۔

ٹکر کے باعث بس کا اگلا حصہ بری طرح تباہ ہوگیا۔ حادثے میں زخمی ہونے والے 19 مسافروں کو فوری طور پر جنگاریڈی گوڈیم کے مقامی اسپتال میں علاج کے لیے داخل کرایا گیا ہے۔ پولیس نے موقع پر پہنچ کر تحقیقات شروع کردی ہیں۔