کوڑنگل بی آر ایس امیدوار کے خلاف مقدمہ درج

حیدرآباد: کوڑنگل بی آر ایس امیدوار پی نریندر ریڈی کے خلاف نارائن پیٹ ضلع کے کوسگی پولیس اسٹیشن میں اقدام قتل کا مقدمہ درج کیا گیا ہے۔ کانگریس کارکن نریش پر لاٹھیوں سے حملہ کرنے کے معاملے میں پولیس نے نریندر ریڈی کے ساتھ 8 افراد کے خلاف دفعہ 307 اور مختلف دفعات کے تحت مقدمہ درج کیا ہے۔

 اس میں ملزم نمبر ایک کے طور پر نریندر ریڈی کا نام شامل کیا گیا تھا۔پولیس سے کی گئی شکایت میں متاثرہ نریش نے کہا کہ اسے پتھروں اور لاٹھیوں سے مارا گیا اور پوچھا گیا کہ وہ کانگریس پارٹی کی حمایت کیوں کر رہے ہیں۔

پولیس سے کی گئی شکایت میں اس نے بتایا کہ اس کا فون، موٹر سائیکل کی چابی، 3 تولہ سونے کی چین اور 20 ہزار روپے نقد بھی چھین لیے گئے۔ پولیس نے متاثرہ کی شکایت پر مقدمہ درج کر لیا ہے۔