پانچ سالہ بچے کو سگریٹ پلانے کا شرمناک واقعہ (ویڈیو وائرل)
ہم سب جانتے ہیں کہ شراب نوشی اور تمباکو نوشی صحت کے لیے مضر ہیں۔ مسلسل حکومت کی جانب سے اور مختلف عوامی مقامات پر بار بار خبردار کیا جاتا ہے کہ سگریٹ نوشی سے کینسر، پھیپھڑوں کی بیماریاں، دل کے امراض اور فالج جیسی خطرناک بیماریاں لاحق ہو سکتی ہیں۔
لکھنؤ: ہم سب جانتے ہیں کہ شراب نوشی اور تمباکو نوشی صحت کے لیے مضر ہیں۔ مسلسل حکومت کی جانب سے اور مختلف عوامی مقامات پر بار بار خبردار کیا جاتا ہے کہ سگریٹ نوشی سے کینسر، پھیپھڑوں کی بیماریاں، دل کے امراض اور فالج جیسی خطرناک بیماریاں لاحق ہو سکتی ہیں۔
عام طور پر ہر ڈاکٹر عوام کو تمباکو نوشی سے بچنے کا مشورہ دیتا ہے لیکن اگر وہی ڈاکٹر خود ایک کمسن بچے کو سگریٹ پینے پر مجبور کرے تو یہ انتہائی افسوسناک اور حیرت انگیز واقعہ ہے۔
جی ہاں، آپ نے بالکل صحیح سنا۔ ایک چونکا دینے والا واقعہ ریاست اتر پردیش کے ضلع جالون میں پیش آیا ہے جہاں ایک ڈاکٹر نے پانچ سالہ بچے کو سگریٹ پلائی۔
تفصیلات کے مطابق ایک بچہ شدید زکام میں مبتلا تھا۔ اس کے والدین اسے علاج کے لئے مقامی ڈاکٹر سریش کے پاس لے گئے لیکن علاج کرنے کے بجائے ڈاکٹر نے بچے کو سگریٹ پینے کے لئے کہا۔ صرف یہی نہیں بلکہ خود اس کے سامنے کھڑے ہوکر بچے کو سگریٹ پلائی اور کہا کہ "سگریٹ کا دھواں لینے سے زکام ٹھیک ہو جاتا ہے۔”
یہ ویڈیو سوشل میڈیا پر تیزی سے وائرل ہو رہی ہے اور عوام کی جانب سے شدید ردعمل سامنے آ رہا ہے۔ لوگ اس حرکت کی سخت مذمت کر رہے ہیں اور ڈاکٹر کے خلاف قانونی کارروائی کا مطالبہ کر رہے ہیں۔
انٹرنیٹ صارفین نے مختلف انداز میں غم و غصہ کا اظہار کیا ہے۔ کچھ کا کہنا ہے کہ ایسے ڈاکٹروں کو فوراً لائسنس معطل کر دینا چاہیے، جبکہ دیگر نے کہا کہ یہ بچوں کے ساتھ ظلم اور جہالت کی انتہا ہے۔
