چیف انجینئر آفس اسسٹنٹ جنرل منیجر رشوت لیتے ہوئے رنگے ہاتھوں گرفتار

حیدرآباد: حمایت نگر میں واقع چیف انجینئر آفس اسسٹنٹ جنرل منیجر تلنگانہ راجیو سواگروہا کارپوریشن لمیٹڈ رشوت لیتے ہوئے رنگے ہاتھوں گرفتار ہوگیا۔

اینٹی کرپشن بیورو (اے سی بی) کے پریس نوٹ کے بموجب اسسٹنٹ جنرل منیجر محمد مسعود علی شکایت گزار ڈی بابو سے 13 ہزار روپئے رشوت لیتے ہوئے گرفتار ہوگیا۔

محمد مسعود علی کو اے سی بی کے عہدیداروں نے جال بچھاکر پکڑ لیا۔ بتایا جاتا ہے آفیشیل فیور کرنے کے لیے انھوں نے شکایت گزار سے رشوت طلب کی تھی۔

ایک لاکھ 60 میں سے ایک لاکھ 19 ہزار پانچ سو روپئے کی ادائیگی کا مسئلہ تھا۔ اینٹی کرپشن بیورو نے رشوت طلب کرنے پر عوام سے ٹال فری نمبر 1064 پر اطلاع دینے کی خواہش کی ہے۔