حیدرآباد میں چیف منسٹر ریونت ریڈی کی ریالی، شہریوں کو شدید ٹریفک جام کا سامنا

حیدرآباد: وزیر اعلیٰ اے ریونت ریڈی کی کووا اوٹا ریلی کے باعث حیدرآباد کے مختلف علاقوں میں شدید ٹریفک جام کی صورتحال پیدا ہوگئی، جس سے شہریوں اور گاڑی سواروں کو کافی مشکلات کا سامنا کرنا پڑا۔

اطلاعات کے مطابق خیریت آباد سے کوٹی تک، جبکہ ایس آر نگر، راج بھون اور سومجی گوڑہ سمیت کئی علاقوں میں گاڑیوں کی طویل قطاریں لگ گئیں۔ ٹریفک کی روانی متاثر ہونے کے باعث متعدد گاڑی سوار کئی گھنٹوں تک سڑکوں پر پھنسے رہے۔

ریلی کے دوران ٹریفک کے دباؤ میں اضافے کے باعث روزمرہ سفر کرنے والے شہریوں کو شدید پریشانی کا سامنا کرنا پڑا۔ کئی اہم سڑکوں پر گاڑیوں کی آمدورفت سست ہوگئی، جس کے نتیجے میں مسافروں کو اپنی منزل تک پہنچنے میں معمول سے زیادہ وقت لگا۔

شہریوں نے مطالبہ کیا کہ بڑے عوامی اجتماعات اور سیاسی پروگراموں کے دوران ٹریفک کے بہتر انتظامات کیے جائیں تاکہ عام شہریوں کو مشکلات سے بچایا جا سکے اور شہر میں ٹریفک کی روانی برقرار رہے۔