سیول سرویسس کی ٹاپر ایشیتا کشور کا حیدرآبادسے تعلق

حیدرآباد: یونین پبلک سروس کمیشن کے ذریعہ منگل کو اعلان کردہ سیول سرویس امتحان 2022 کے نتائج میں، ایشیتا کشور ٹاپر رہی ہے۔ ایشیتا کی پیدائش شہرحیدرآباد کے بیگم پیٹ میں ہوئی تھی۔ پرجوش اشیتا نے کہا، ”میرا تعلق حیدرآباد سے ہے۔ درحقیقت میں بیگم پیٹ میں پیدا ہوئی تھی۔

 بہار کی رہنے والی اور فی الحال اتر پردیش کی مقیم ایشیتا نے کیڈر میں اپنی پہلی ترجیح کے طور پر انڈین ایڈمنسٹریٹو سرویس (آئی اے ایس) کا انتخاب کیا ہے اور وہ ملک کی خدمت کے لیے تیار ہے۔

ایشتیانے کہا کہ میرے والدجو ایک ہندوستانی فضائیہ کے افسر اور والدہ جو ایک ریٹائرڈ ٹیچرہے نے سماج کی خدمت کے جذبے سے متاثر ہوکر مجھے سول سرویس میں جانے کے لیے ترغیب دی لیکن دو کوششوں میں ابتدائی امتحان پاس نہیں کر سکی۔ تاہم، وہ مضبوط واپس آئی اور اپنی تیسری کوشش میں پہلا مقام حاصل کیا۔