کانسٹیبل نے سب انسپکٹر کو گولی مار دی، موقع پر ہی موت ہو گئی

رائے پور: چھتیس گڑھ کی راجدھانی رائے پور کے کھرورا علاقے میں واقع آئی ٹی بی پی کیمپ میں آج ایک کانسٹیبل نے سب انسپکٹر کو گولی مار دی جس سے سب انسپکٹر کی موقع پر ہی موت ہو گئی۔

واقعہ کی وجہ تاحال معلوم نہیں ہوسکی ہے اور پولیس نے معاملے کی تحقیقات شروع کردی ہے۔ فائرنگ کا واقعہ پیر کی صبح اس وقت پیش آیا جب دونوں میں کسی بات پر جھگڑا ہوا۔ واقعہ کے بعد کیمپ پر تعینات دیگر سکیورٹی اہلکاروں نے فوری مدد کی کوشش کی تاہم سب انسپکٹر کی جان نہ بچائی جاسکی۔

پولیس نے موقع پر پہنچ کر تفتیش شروع کردی ہے اور اس فائرنگ کی وجوہات جاننے کی کوشش کی جارہی ہے۔