مزید5 ٹاونس میں آئی ٹی ہبس کی تعمیر: کے ٹی آر

حیدرآباد: انفارمیشن وٹکنالوجی (آئی ٹی) کی ترقی کو غیر مرکوز کرنے کی مساعی کے حصہ کے طور پر حکومت تلنگانہ، ریاست کے مزید 5 اضلاع میں آئی ٹی ہبس تعمیر کررہی ہے۔

 ریاستی وزیر آئی ٹی وصنعتیں کے ٹی آر نے ہفتہ کے روز کہا کہ نظام آباد، محبوب نگر، نلگنڈہ سدی پیٹ اور عادل آباد میں نئے آئی ٹی ہبس کا م کرنے والے ہیں جبکہ ورنگل، کھمم اور کریم نگر میں پہلے ہی آئی ٹی ہبس قائم کئے جاچکے ہیں۔

 اور یہ ہبس کامیابی کے ساتھ کام بھی کررہے ہیں۔3D منترا ڈیجٹائزڈ، ڈیکا ر بونائز اور ڈی سنٹر لائزڈ کے مطابق ریاستی حکومت، آئی ٹی کے دائرہ کو اضلاع مستقر تک وسعت دے رہی ہے۔ ٹوئٹ کرتے ہوئے کے ٹی آر نے کہا کہ نظام آباد کا آئی ٹی ہب افتتاح کیلئے تقریباً تیار ہے۔

 انہوں نے کہا کہ محبوب نگر آئی ٹی ہب کا افتتاح اندرون ایک ماہ عمل میں آئے گا۔ انہوں نے اس سلسلہ میں ریاستی وزیر آبکاری و اسپورٹس سرینواس گوڑ کی مساعی کی ستائش کی کے ٹی آر نے کہا کہ سدی پیٹ آئی ٹی ہب پر ریاستی وزیر فینانس و صحت ہریش راؤ کی خصوصی توجہ ہے۔ اس ہب کا افتتاح، چند ماہ میں عمل آنے کی توقع ہے۔

نلگنڈہ آئی ٹی ہب کے تعمیری کام جاری ہیں۔ کاموں کو تیزی کے ساتھ مکمل کرلیا جائے گا۔ توقع ہے کہ اندرون 4سے 6ماہ ان کاموں کو انجام دیا جائے گا۔ کے ٹی آر نے مزید کہا کہ حکومت نے انفارمیشن ٹکنالوجی کو ٹوٹائر (دوسرے درجہ) شہروں تک لیجانے کی پالیسی کو قطعیت دی ہے۔