مشرق وسطیٰ
بابری مسجد کی جگہ پر رام مندر کی تعمیر قابل مذمت: او آئی سی
او آئی سی جنرل سکریٹریٹ ان اقدامات کی مذمت کرتا ہے جس کا مقصد پانچ صدیوں قدیم بابری مسجد کی نمائندگی کرنے والے اسلامی نشانات کو مٹانا ہے۔
![بابری مسجد کی جگہ پر رام مندر کی تعمیر قابل مذمت: او آئی سی](https://urdu.munsifdaily.com/wp-content/uploads/2024/01/BABRI-MASJID-OIC-780x470.jpg)
جدہ: اسلامی تعاون تنظیم (او آئی سی) کے جنرل سکریٹریٹ نے ہندوستانی شہر ایودھیا میں ہندو انتہا پسندوں کے ہاتھوں شہید کی گئی بابری مسجد کے مقام پر ”رام مندر“کے افتتاح پر شدید تشویش کا اظہار کیا ہے۔ جاری بیان کے مطابق او آئی سی جنرل سکریٹریٹ ان اقدامات کی مذمت کرتا ہے جس کا مقصد پانچ صدیوں قدیم بابری مسجد کی نمائندگی کرنے والے اسلامی نشانات کو مٹانا ہے۔
وزیراعظم نریندر مودی نے گزشتہ روز پیر کو ایودھیا میں ہندو رسومات ادا کرکے رام مندر کا افتتاح کیا تھا، اس موقع پر ہندو پنڈتوں، ارکان اسمبلی، کھلاڑیوں اور شوبز شخصیات سمیت 7 ہزار مہمان موجود تھے۔
واضح رہے کہ بابری مسجد مغل بادشاہ ظہیرالدین بابر کے حکم پر 1528ء میں یو پی کے شہر ایودھیا میں تعمیر کی گئی تھی جسے 1992 میں ہندو انتہاپسندوں نے حملہ کرکے شہید کردیا تھا۔
a3w