لاس اینجلس اولمپکس 2028 میں کرکٹ کی شمولیت خوش آئند قدم: نیتا امبانی
محترمہ نیتا امبانی نے کہا "کرکٹ دنیا بھر میں سب سے زیادہ پسند کیے جانے والے کھیلوں میں سے ایک ہے اور دوسرا سب سے زیادہ دیکھا جانے والا کھیل ہے۔ 1.4 بلین ہندوستانیوں کے لیے، کرکٹ صرف ایک کھیل نہیں، یہ ایک مذہب ہے۔
ممبئی: انٹرنیشنل اولمپک کمیٹی (آئی او سی) کی رکن محترمہ نیتا ایم امبانی نے کہا کہ لاس اینجلس 2028 کے اولمپک گیمز میں کرکٹ کی شمولیت ایک خوش آئند قدم ہے اس فیصلے سے دنیا میں اولمپک تحریک کے لیے نئی دلچسپی اور بہت سے نئے مواقع پیدا ہوں گے۔
ممبئی میں 141ویں آئی او سی سیشن میں کرکٹ کو بطور اولمپک کھیل کے باضابطہ شمولیت پر بات کرتے ہوئے، محترمہ نیتا امبانی نے کہا، "آئی او سی کی رکن، ایک قابل فخر ہندوستانی اور کرکٹ کے مداح کے طور پر، مجھے خوشی ہے کہ آئی او سی کے اراکین نے لاس اینجلس کو ووٹ دیا۔ سمر اولمپکس 2028 میں کرکٹ کو شامل کرنا ایک بہت خوش آئند اقدام ہے۔
1900 میں اولمپک میں کرکٹ کھیلی گئی تھی جب صرف دو ٹیموں نے حصہ لیا تھا۔ محترمہ نیتا امبانی نے کہا "کرکٹ دنیا بھر میں سب سے زیادہ پسند کیے جانے والے کھیلوں میں سے ایک ہے اور دوسرا سب سے زیادہ دیکھا جانے والا کھیل ہے۔ 1.4 بلین ہندوستانیوں کے لیے، کرکٹ صرف ایک کھیل نہیں، یہ ایک مذہب ہے۔
تاریخ میں یہ دوسرا موقع ہے کہ آئی او سی کا اجلاس ہندوستان میں منعقد ہو رہا ہے، 40 سال بعد ملک واپس آ رہا ہے۔ بھارت میں کرکٹ کو اولمپک میں شامل کرنے کا تاریخی فیصلہ کر لیا گیا ہے۔ محترمہ نیتا امبانی نے کہا، "مجھے خوشی ہے کہ یہ تاریخی قرارداد ہمارے ملک میں، ممبئی میں منعقد ہونے والے 141 ویں آئی او سی اجلاس میں منظور کی گئی۔
محترمہ نیتا امبانی نے امید ظاہر کی کہ اس اعلان سے پوری دنیا میں کھیلوں کی مقبولیت میں نمایاں اضافہ ہوگا۔ اولمپک میں کرکٹ کی شمولیت نئے جغرافیوں میں اولمپک تحریک کے ساتھ گہرا تعلق پیدا کرے گی اور کرکٹ کی بڑھتی ہوئی بین الاقوامی مقبولیت کو بھی فروغ دے گی۔
آئی او سی کی رکن بننے والی پہلی ہندوستانی خاتون محترمہ نیتا امبانی نے اس دن کو ہندوستان کے لیے بڑی خوشی کا دن قرار دیا۔ انہوں نے کہا کہمیں اس تاریخی فیصلے کے لیے آئی او سی اور لاس اینجلس کی آرگنائزنگ کمیٹی کا شکریہ ادا کرتی ہوں اور مبارکباد دیتی ہوں۔ یہ واقعی بڑی خوشی اور مسرت کا دن ہے۔
