حیدرآباد میں میں سائبرسیکوریٹی نالج سمٹ

حیدرآباد: حیدرآباد سٹی پولیس اور حیدرآباد سٹی سیکوریٹی کونسل، 12اپریل کو حیدرآباد سائبرسیکوریٹی نالج سمٹ 2023کا اہتمام کریں گے۔وزیر انفارمیشن ٹکنالوجی کے تارک راما راو مہمان خصوصی ہوں گے۔

انڈسٹری کے ماہرین، سرکاری عہدیداراور دیگر اس موقع پر سائبرخطرات سے تجارت کو محفوظ رکھنے اور اس شعبہ میں ٹیلنٹ و مہارت کے فرق کو دورکرنے کیلئے سائبرسیکوریٹی و حکمت عملی پر تبادلہ خیال کریں گے۔

کمشنر پولیس حیدرآباد سی وی آنند نے کہا کہ سائبرجرائم جیسی بیماری نے سماج کے ہر پہلو کو متاثر کیا ہے، اسی لئے ہم کو متحد ہونے، اس کی نگرانی کرنے اور شہریوں کے ساتھ ساتھ تاجروں کو بھی اس سے واقف کروانے کی ضرورت ہے۔