سری وینکٹیشور زوپارک میں شیر کے بچہ کی موت

حیدرآباد: آندھراپردیش کے تروپتی کے سری وینکٹیشور زو پارک میں شیر کے بچہ کی موت ہو گئی۔ کرنول ضلع سے شیر کے چار بچے، جو حال ہی میں اپنی ماں سے بچھڑگئے تھے کو، دیکھ بھال کے لیے تروپتی زو پارک لایا گیا تھا۔ ان میں سے ایک کی منگل کی شب موت ہو گئی۔

چڑیا گھر کے ذمہ داروں نے کہاکہ بقیہ بچے صحت مند ہیں۔ چڑیا گھر کے اہلکاروں نے ان کو ریسکیو ہوم منتقل کر دیا۔حال ہی میں جب ان شیرکے بچوں کی دیکھ بھال کرنے والا ان کو دودھ پلارہا تھا تو ایک بچہ کی ٹانگ ٹوٹی ہوئی پائی گئی۔ منگل کی رات شدید بیمار اس شیر کے بچہ نے دم توڑدیا۔