جرائم و حادثات

کھرگون حادثے میں مرنے والوں کی تعداد ہوئی 22 ، 30 زخمی

کھرگون: مدھیہ پردیش کے کھرگون ضلع میں آج صبح ایک مسافر بس کے پلیا سے نیچے گرنے کے حادثے میں اب تک 22 لوگوں کی موت ہونے کی اطلاع ہے۔

کھرگون: مدھیہ پردیش کے کھرگون ضلع میں آج صبح ایک مسافر بس کے پلیا سے نیچے گرنے کے حادثے میں اب تک 22 لوگوں کی موت ہونے کی اطلاع ہے۔

متعلقہ خبریں
باپ اور بھائی کی قاتل 15 سالہ لڑکی گرفتار
مدھیہ پردیش میں 2فوجی جوانوں پر حملہ اور ساتھی کی عصمت ریزی واقعہ کی مذمت
’محرم جلوسوں میں فلسطینی پرچم لہرانے والوں کے خلاف کیسس واپس لئے جائیں‘
ٹرین میں خاتون نے بچی کو جنم دیا، بوگی میں موجود خواتین نے ڈلیوری کرائی
کتے کے بچے کو ہلاک کرنے والے کے خلاف کارروائی کی جائے (دردناک ویڈیو)

اُن تھانہ علاقے میں پیش آئے اس حادثے میں تین بچوں کی بھی موت ہو ئی ہے اور تقریباً 30 افراد زخمی ہیں۔

سرکاری ذرائع نے بتایا کہ اس حادثے میں اب تک 22 لوگوں کی موت ہو چکی ہے۔ 30 کے قریب افراد زخمی ہیں جن کا مختلف اسپتالوں میں علاج جاری ہے۔

اس سے قبل کھرگون کے سب ڈویژنل پولیس راکیش موہن شکلا نے بتایا کہ اندور جانے والی بس صبح تقریباً 9.15 بجے ضلع ہیڈکوارٹر سے تقریباً 34 کلومیٹر دور ڈونگرگاؤں کے نزدیک بوراڈ ندی کی پلیا کی ریلنگ توڑ کر نیچے گر گئی۔ دریا میں پانی نہیں تھا۔

انہوں نے بتایا کہ فی الحال بس ڈرائیور کا پتہ نہیں چل سکا ہے۔ ابتدائی اطلاعات کے مطابق ایسا معلوم ہوتا ہے کہ اسے نیند کا جھپکی آگئی تھی۔

گاؤں والوں نے پولیس کے پہنچنے سے پہلے ہی اپنے وسائل سے پلٹی ہوئی بس کو سیدھا کیا اور کئی زخمی مسافروں کو بچا لیا۔ انہوں نے بتایا کہ شہریوں نے انہیں اپنی گاڑیوں سے اسپتال پہنچایا۔

ضلع کلکٹر شیوراج سنگھ ورما اور پولیس سپرنٹنڈنٹ ڈی ایس یادو اور دیگر اہلکار موقع پر پہنچ گئے ہیں۔

ذریعہ
یو این آئی