دہلی کیپٹلس نے کولکتہ نائٹ رائیڈرز کو 40 رنز سے شکست دے دی

کولکتہ: کے ایل راہل (60)، کپتان اکشر پٹیل (39)، ڈیوڈ ملر (28) اور ساحل پرکھ (24) کی شاندار اننگز کے بعد لونگی نگیڈی اور کلدیپ یادو (3-3 وکٹ) کی شاندار کارکردگی کی بدولت دہلی کیپٹلس نے انڈین پریمیئر لیگ (آئی پی ایل) 2060 کے 70ویں میچ میں کولکتہ نائٹ رائیڈرز کو 40 رنز سے شکست دی۔ اس کے ساتھ دہلی کیپٹلس نے سیزن کو چھٹے اور کے کے آر نے ساتویں مقام پر ختم کیا۔

204 کے ہدف کا تعاقب کرتے ہوئے، کے کے آر کی ٹیم 163 پر ڈھیر ہو گئی، جب کہ وہ ایک وقت جیت کے ساتھ سیزن ختم کرنے کے لئے کافی مضبوط دکھائی دے رہے تھے۔ گراوٹ اس وقت شروع ہوئی جب واپسی کرنے والے کلدیپ نے رہانے کو 60 رنز پر آؤٹ کیا۔ تاہم، یہ بہت برا ہوا، پوریل نے ہیٹ ٹرک گیند پر دہیا کا کیچ چھوڑ دیا، جس سے کلائی اسپنر کو لگاتار تین وکٹ نہیں مل سکا لیکن کلدیپ نے پھر بھی 29 رن پر 3 وکٹ لے کر دہلی کی جیت کو یقینی بنایا۔ 204 کے ہدف کے تعاقب میں کولکتہ نائٹ رائیڈرز کی اوپننگ جوڑی فن ایلن اور اجنکیا رہانے نے اپنی ٹیم کو اچھی شروعات دلائی اور پہلی وکٹ کے لیے 43 رنز جوڑے۔ لونگی نگیڈی نے پانچویں اوور میں فن ایلن (20) کو بولڈ کرکے اس شراکت کا خاتمہ کیا۔

اس کے بعد بلے بازی کے لیے آئے منیش پانڈے نے شاندار بلے بازی کا مظاہرہ کرتے ہوئے ٹیم کا اسکور 87 تک پہنچا دیا۔ نویں اوور میں نگیڈی نے منیش کو آؤٹ کر کے پویلین بھیج دیا۔

منیش نے 16 گیندوں میں دو چوکے اور دو چھکے لگا کر 25 رنز بنائے۔ کیمرون گرین (2) کو کلدیپ یادو نے آؤٹ کیا۔ 14ویں اوور میں کلدیپ یادو نے اجنکیا رہانے کو آؤٹ کر کے کے کے آر کی میچ جیتنے کی امیدوں کو چکنا چور کردیا۔ رہانے نے 39 گیندوں میں چار چوکے اور چار چھکے لگا کر 63 رنز کی اننگز کھیلی۔ اس کے بعد دہلی کے گیند باز کولکتہ کے بلے بازوں پر حاوی نظر آئے۔

روومین پاول (29) رن آؤٹ ہوئے۔ رنکو سنگھ (0)، تیجسوی داہیا (1)، انوکول رائے (9) اور کارتک تیاگی (0) آؤٹ ہوئے۔ 19ویں اوور کی چوتھی گیند پر لونگی نگیڈی نے ورون چکرورتی کو آؤٹ کر کے کولکتہ نائٹ رائیڈرز کو 163 رنز سے شکست دی اور میچ 40 رنز سے جیت لیا۔

دہلی کیپٹلس کے لیے لونگی نگیڈی اور کلدیپ یادو نے تین تین وکٹ لیے۔ مچل اسٹارک نے دو وکٹیں حاصل کیں۔ اکشر پٹیل نے ایک بلے باز کو آؤٹ کیا۔

آج یہاں کولکتہ نائٹ رائیڈرز نے ٹاس جیت کر پہلے گیند بازی کا فیصلہ کیا۔ بلے بازی کرنے اتری دہلی کیپٹلز کے لئے ابھیشیک پورل اور کے ایل راہل کی اوپننگ جوڑی نے پہلی وکٹ کے لیے 40 رنز جوڑے۔ سوربھ دوبے نے پانچویں اوور میں ابھیشیک پورل (22) کو آؤٹ کرکے اس شراکت کو توڑا۔

اگلی بیٹنگ کے لیے آنے والے ساحل پرکھ نے کے ایل راہل کے ساتھ دوسرے وکٹ کے لیے 47 رنز جوڑے۔ سنیل نارائن نے 10ویں اوور میں ساحل پرکھ (24) کو آؤٹ کیا۔ انوکول رائے نے 13ویں اوور میں کے ایل راہل کو آؤٹ کرکے دہلی کیپٹلس کو بڑا جھٹکا دیا۔ کے ایل راہل نے 30 گیندوں میں پانچ چوکے اور چار چھکے لگا کر 60 رنز بنائے۔ ورون چکرورتی نے 17ویں اوور میں کپتان اکشر پٹیل کو آؤٹ کر کے کولکتہ نائٹ رائیڈرز کو چوتھی وکٹ دلائی۔

دہلی کیپٹلس نے مقررہ 20 اوورز میں پانچ وکٹ پر 203 رنز بنائے۔ ڈیوڈ ملر اننگز کے آخری اوور میں تین چھکے لگانے کے بعد آؤٹ ہوئے۔ انہیں سوربھ دوبے نے آؤٹ کیا۔ ڈیوڈ ملر نے 19 گیندوں پر تین چھکے لگا کر 28 رنز بنائے۔ آشوتوش شرما 18 رنز بنا کر ناٹ آؤٹ رہے۔

کولکتہ نائٹ رائیڈرز کی جانب سے سوربھ دوبے نے دو وکٹ لیے۔ انوکول رائے، سنیل نارائن اور ورون چکرورتی نے ایک ایک بلے باز کو آؤٹ کیا۔