کیلیفورنیا سے چیف منسٹر کی جنوبی کوریا کو روانگی

حیدرآباد: نیویارک، نیو جرسی، واشنگٹن ڈی سی، ڈیلاس اور ٹیکساس کے اپنے دورہ امریکہ کی کامیاب تکمیل کے بعد چیف منسٹر ریونت ریڈی اور ان کی ٹیم کیلیفورنیا کے دورہ پر ہے۔

 وہ کیلیفورنیا سے جنوبی کوریا روانہ ہوں گے اور حیدرآباد 4.0 پہل کی جانب، جنوبی کوریائی کمپنیز کی توجہ مرکوز کرنے کی کوشش کریں گے۔

اس اسٹرٹیجک اقدام کا مقصد بین الاقوامی تعاون کو بڑھانا اور حیدرآباد کو ترقیافتہ عالمی مرکز میں تبدیل کرنے کے لیے سرمایہ کاری کو راغب کرنا ہے۔

دریں اثنا، چیف منسٹر ریونت ریڈی کے غیر ملکی دورے کا شیڈول بدستور برقرار ہے اور توقع کی جارہی ہے کہ وہ 14 اگست کو حیدرآباد واپس ہوں گے۔