حیدرآباد میں ووٹر سلپس کی تقسیم کا آغاز

حیدرآباد: حیدرآباد میں ووٹر سلپس کی تقسیم آج سے شروع ہوگئی ہے۔

ڈسٹرکٹ الیکشن آفیسر رونالڈ روز نے حیدرآباد کے ایس آر نگر میں ریاستی چیف الکٹورل آفیسر وکاس راج کی رہائش گاہ پر پولنگ کی تاریخ کی نشاندہی کرنے والے اسٹیکر کے ساتھ ووٹر کی معلوماتی پرچی لگائی۔

اس موقع پر سی ای او نے کہا کہ ریاست میں لوک سبھا انتخابات کے لیے پولنگ اسٹیشنس میں تمام سہولیات فراہم کی جارہی ہیں۔

انہوں نے رائے دہندوں سے اپیل کی کہ وہ 13 مئی کو ہونے والی پولنگ میں اپنے حق رائے دہی کا استعمال کریں۔ خیریت آباد زونل کمشنر بی ہیمنت سہدیو بیگم پیٹ کے ڈپٹی کمشنر سامیا بھی اس موقع پر موجود تھے۔

اس کے علاوہ رونالڈ روز نے بنجارہ ہلز میں ریاستی ڈی جی پی روی گپتا کی رہائش گاہ پر انہیں ووٹر کی معلومات کی پرچی اور اسٹیکرز حوالے کیے۔

اس موقع پر بات کرتے ہوئے ڈی جی پی نے شہریوں سے اپیل کی کہ وہ آئندہ ماہ کی 13 تاریخ کو ہونے والی پولنگ میں آزادانہ طور پر اپنے ووٹ کا استعمال کریں۔