تلنگانہ کے چند میڈیکل کالجوں پر ای ڈی کے بیک وقت دھاؤے

حیدرآباد: انفورسمنٹ ڈائرکٹوریٹ (ای ڈی) نے چہارشنبہ کے روز ریاست تلنگانہ میں چند خانگی میڈیکل کالجس اور دیگر اداروں پر دھاوئے کئے۔

ای ڈی کے عہدیداروں نے آج حیدرآباد، کریم نگر، ورنگل، محبوب نگر اور دیگر مقامات پر بیک وقت یہ دھاوے کئے۔ شہر حیدرآباد کے نواحی علاقہ سورارم میں واقع ملا ریڈی میڈیکل کالج کی بھی تلاشی لی گئی۔

یہ کالج ملا ریڈی گروپ آف انسٹیٹیوشنس کی جانب سے چلایا جاتا ہے جس کے مالک تلنگانہ کے وزیر لیبر ملاریڈی ہیں۔ ریاست کے مختلف مقامات پر دھاؤں کیلئے ای ڈی کو سی آر پی ایف کے جوانوں کی خدمات فراہم کی گئیں۔

فلم نگر حیدرآباد میں واقع پرتیما گروپ کے دفتر کی بھی تلاشی لی گئی ہے۔ ای ڈی حکام، پریتما گروپ کے دیگرمقامات پر واقع دفاتر کی تلاشی لے رہے ہیں۔

ای ڈی کے عہدیدار کریم نگر میں پرتیما میڈیکل کالج اور پرتیما ملٹی پلیکس کے علاوہ چلمڈ آنند راؤ میڈیکل کالج کی بھی سلسلہ وار تلاشی لے رہے ہیں۔

ای ڈی کے عہدیدار حیدرآباد ایل بی نگر میں کامینینی میڈیکل کالج، ایس وی ایس میڈیکل کالج محبوب نگر، ایم ایس آر میڈیکل کالج سنگاریلای کی تلاشی لے رہے ہیں۔