عوامی مقامات پر چہرہ ڈھانپنے پر پابندی کا نفاذ

برن: سوئزرلینڈ میں عوامی مقامات پر چہرہ ڈھانپنے پر پابندی بدھ سے نافذ ہو گئی۔ یہ پابندی 2021 میں منظور کی گئی تھی۔

اس پابندی کی خلاف ورزی کرنے والوں کو 1,000 سوئس فرانک، یا 1,100 ڈالر سے زیادہ کا جرمانہ ادا کرنا پڑ سکتا ہے۔

سوئس حکومت نے 6 نومبر کو یکم جنوری، 2025 کو موثر ہونے کے لیے عوامی مقامات پر چہرہ ڈھانپنے پر پابندی لگانے والے قانون کی تاریخ مقرر کی۔

یہ فیصلہ 7 مارچ، 2021 کو سوئس عوام کی طرف سے کیے گئے ریفرنڈم کے بعد کیا گیا تھا۔

یہ پابندی ہوائی جہازوں، سفارتی یا قونصلر کمپلیکس، مذہبی مقامات، یا ایسی صورتوں پر لاگو نہیں ہوتی جہاں چہرہ ڈھانپنے سے صحت یا حفاظت کو خطرہ لاحق ہو یا مقامی رسومات کی پیروی میں مداخلت ہو۔