مشہور گیتیکا شرما خودکشی کیس، گوپال کانڈا کو بری کر دیا گیا
جج نے دونوں ملزمان کو یہ کہتے ہوئے بری کر دیا کہ استغاثہ ان کے خلاف الزامات کی تصدیق کے لئے کوئی ثبوت پیش کرنے میں ناکام رہا ہے۔
![مشہور گیتیکا شرما خودکشی کیس، گوپال کانڈا کو بری کر دیا گیا](https://urdu.munsifdaily.com/wp-content/uploads/2023/07/GITIKA-SUCIDE-CASE-GOPAL-KA-780x470.jpg)
نئی دہلی: دہلی کی ایک عدالت نے منگل کو ہریانہ کے ایم ایل اے گوپال کانڈا کو گیتیکا شرما خودکشی کیس میں بری کر دیا۔ راؤز ایونیو عدالت کے خصوصی جج وکاس ڈھل نے بھی اس معاملے میں شریک ملزم ارونا چڈھا کو بھی بری کر دیا۔
جج نے دونوں ملزمان کو یہ کہتے ہوئے بری کر دیا کہ استغاثہ ان کے خلاف الزامات کی تصدیق کے لئے کوئی ثبوت پیش کرنے میں ناکام رہا ہے۔ سابق وزیر گوپال کانڈا فی الحال ہریانہ کی سرسا اسمبلی سیٹ سے ہریانہ لوک ہت پارٹی کے ایم ایل اے ہیں۔ وہ اسی پارٹی کے صدر بھی ہیں۔
کانڈا کی ایم ایل ڈی آر ایئرلائنس میں ایئرہوسٹس رہی 23 سالہ گیتیکا نے 4 اگست 2012 میں خودکشی کر لی تھی۔ موت سے پہلے لکھے گئے خط میں گیتیکا نے کانڈا اور ارونا چڈھا پر اسے ہراساں کرنے کا الزام لگایا تھا۔ وہ 5 اگست کو شمال مغربی دہلی کے اشوک وہار میں مردہ پائی گئی تھیں۔ گیتیکا کو گوپال کانڈا کی ایک کمپنی میں ڈائریکٹر بھی بنایا گیا تھا۔