ایرانڈیا ایکسپریس کی 80 پروازیں منسوخ

نئی دہلی: کفایتی ایرلائن ایرانڈیا ایکسپریس نے 80 سے زائد پروازیں منسوخ کردیں۔ اس کی کئی پروازوں میں تاخیر ہوئی کیونکہ ارکان ِ عملہ نے ٹاٹا گروپ کی ایرلائن میں مبینہ بدانتظامی کے خلاف بطور احتجاج رخصت لے لی۔

ذرائع نے چہارشنبہ کے دن یہ بات بتائی۔ ایرلائن اے آئی ایکس کنیکٹ (سابق ایر ایشیا انڈیا) کو خود میں ضم کرنے کے عمل سے گزررہی ہے۔

اسے گرمائی شیڈول میں جو مارچ کے آخری ہفتہ میں شروع ہوا‘ روزانہ 360 پروازیں چلانی ہوتی ہیں۔ ایرانڈیا ایکسپریس ترجمان نے بتایا کہ ایرلائن ارکان ِ عملہ سے بات چیت کررہی ہے۔