امتحانات میں ناکامی کاخوف، دسویں جماعت کے طالب علم کی خودکشی

حیدرآباد: امتحانات میں ناکامی کے خوف سے دسویں جماعت کے طالب علم نے خودکشی کرلی۔حیدرآباد کے علاقہ الوال، ویسٹ وینکٹاپورم سے تعلق رکھنے والا 15سالہ سنجے کمار، ورگل سرکاری لڑکوں کے ہاسٹل میں تعلیم حاصل کر رہا تھا۔

 دسویں جماعت کے امتحانات کے بعد سنجے چھٹیوں میں اپنے گھر آیا۔ اسے معلوم ہوا کہ امتحانات کے نتائج دو تین دن میں آنے والے ہیں۔

 نتائج میں ناکامی کے خوف سے سنجے کمار نے پنکھے سے پھانسی لے کر خودکشی کرلی۔گھر والوں کی شکایت پر پولیس نے ایک مقدمہ درج کرکے تحقیقات کا آغاز کردیا ہے۔