طلباء سے ٹوائلٹ صاف کروانے پر صدرمعلمہ کے خلاف ایف آئی آر

کلبرگی: کلبرگی ضلع میں طلباء سے اسکول ٹوائلٹ صاف کرنے پر پولیس نے ہیڈمسٹریس (صدر معلمہ) کے خلاف ایف آئی آر درج کرلی۔

والدین کی شکایت پر پولیس نے مولانا آزاد ماڈل انگلش اسکول کی ہیڈ مسٹریٹس جوہر جبینہ کے خلاف ایف آئی آر درج کی۔

سرپرستوں نے الزام عائد کیا کہ ملزمہ ٹیچر کئی ماہ سے بچوں سے ٹوائلٹس صاف کروارہی ہے۔ اس نے طلباء سے اپنے مکان کا باغ بھی صاف کروایا۔

سرپرستوں نے پولیس سے اپنی شکایت میں کہا کہ بچوں سے اسکول میں یہ کام کروانے سے باز رہنے کی بار بار واننگ کے باوجود اس نے وہ باز نہیں آئی۔ طلباء نے اس معاملے میں سرپرستوں سے بار ہا شکایت کی۔ کیس کی مزید تحقیقات جاری ہے۔