ہنمکنڈہ ضلع کے پرائیویٹ اسپتال میں آگ لگنے کا واقعہ

حیدرآباد: تلنگانہ کے ہنمکنڈہ ضلع کے ایک پرائیویٹ اسپتال میں آگ لگنے کا واقعہ پیش آیا۔اس واقعہ کے ساتھ ہی اپنی جان بچانے کیلئے مریض اور ان کے رشتہ دار دوڑ پڑے۔

ذرائع کے مطابق آپریشن تھیٹر میں شارٹ سرکٹ کے نتیجہ میں یہ واقعہ پیش آیا۔اس واقعہ کے وقت آئی سی یو میں 12مریض زیرعلاج تھے تاہم چوکس عملہ نے مریضوں کو وہاں سے منتقل کردیاجس سے بڑے پیمانہ پر جانی نقصان کو بچانے میں کامیابی حاصل کرلی گئی۔

اس واقعہ کی اطلاع پر فائربریگیڈ کے عملہ نے وہاں پہنچ کر آگ پر کافی جدوجہد کے بعد قابو پایا۔اس واقعہ میں مالی نقصان کی اطلاع ملی ہے۔